Ժնևում մեկնարկել է նեոգաղութատիրությանը նվիրված միջազգային համաժողով Կազմակերպվել է Բաքվի նախաձեռնող խմբի կողմից

Ժնևում ՄԱԿ-ի գրասենյակում մեկնարկել է՝ Բաքվի նախաձեռնող խմբի կողմից կազմակերպված՝ «Նեոգաղութատիրություն. մարդու իրավունքներ, խաղաղություն և անվտանգություն» թեմայով միջազգային համաժողովը։

Ինչպես հայտնում է Report-ը, համաժողովին մասնակցում են՝ 22 երկրների և տարածքների՝ ԱՄՆ-ի, Մեծ Բրիտանիայի, Ֆրանսիայի, Թուրքիայի, Շվեյցարիայի, Ալժիրի, Պակիստանի, Սերբիայի, Կատարի, Սենեգալի, Կամերունի, Վիետնամի, Կոմորների Միության, Գվադելուպայի, Ֆրանսիական Գվիանայի, Նոր Կալեդոնիայի, Կորսիկայի, Մարտինիկի, Ֆրանսիական Պոլինեզիայի, Ուոլիս և Ֆուտունայի կղզիների, Սողոմոնի կղզիների, ինչպես նաև երկու միջազգային կազմակերպությունների՝ Իսլամական համագործակցության կազմակերպության (ԻՀԿ) և ՄԱԿ-ի (Կանանց նկատմամբ խտրականության վերացման կոմիտե) մոտ 50 ներկայացուցիչներ։

Միջոցառմանը մասնակցում են նաև՝ մարդու իրավունքների և ապագաղութացման ոլորտում աշխատող տարբեր ՈԿԿ-ների ղեկավարներ, օտարերկրյա ԶԼՄ-ների ներկայացուցիչներ։

Համաժողովի ընթացքում Ֆրանսիայի նախկին և ներկա գաղութների ներկայացուցիչների կողմից կհնչել են հայտարարություններ՝ Ֆրանսիայի կողմից մարդու իրավունքների կոպիտ խախտումների մասին։ Մի շարք երկրների պաշտոնյաներ ասել են, որ հանդես կգան հայտարարություններով։

Համաժողովի արդյունքներով նախատեսվում է համատեղ հռչակագրի ընդունում։

12:27

ՄԱԿ-ի Ժնևյան գրասենյակում մեկնարկում է «Նեոգաղութատիրություն. մարդու իրավունքներ, խաղաղություն և անվտանգություն» թեմայով միջազգային համաժողով, որը կազմակերպել է Բաքվի նախաձեռնող խումբը։

Ինչպես հայտնում է Caliber.Az-ը, համաժողովը համընկնում է դեկտեմբերի 14-ին՝ ՄԱԿ-ի Գլխավոր ասամբլեայի կողմից «Գաղութային երկրներին և ժողովուրդներին անկախություն շնորհելու մասին հռչակագրի» ընդունման օրվան։

Համաժողովին կմասնակցեն 22 երկրների ներկայացուցիչներ՝ ԱՄՆ-ի, Մեծ Բրիտանիայի, Ֆրանսիայի, Թուրքիայի, Շվեյցարիայի, Ալժիրի, Պակիստանի, Սերբիայի, Կատարի, Սենեգալի, Կամերունի, Վիետնամի, Կոմորյան կղզիների միության, Գվադելուպայի, Ֆրանսիական Գվիանայի, Նոր Կալեդոնիայի, Կորսիկայի, Մարտինիկայի, Ֆրանսիական Պոլինեզիայի, Ուոլիս և Ֆուտունայի, Սողոմոնի կղզիների, ինչպես նաև երկու միջազգային կազմակերպությունների՝ Իսլամական համագործակցության կազմակերպության (ԻՀԿ) և ՄԱԿ-ի (Կանանց նկատմամբ խտրականության վերացման կոմիտե) մոտ 50 ներկայացուցիչներ: