Իլհամ Ալիևը՝ «Գազախ» սահմանային դիվիզիոնում

Օգոստոսի 7-ին Ադրբեջանի Հանրապետության նախագահ Իլհամ Ալիևը մեկնել է Գազախի շրջան։

Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։

Իլհամ Ալիևը ծանոթացել է՝ Պետական սահմանապահ ծառայության սահմանապահ զորքերի «Գազախ» առանձին սահմանային դիվիզիայի կայազորային համալիրում ստեղծված պայմաններին։ Պետական սահմանապահ ծառայության պետ, Էլչին Գուլիևը զեկույց է տվել նախագահ, Զինված ուժերի Գերագույն հրամանատար Իլհամ Ալիևին։

Պետության ղեկավարին զեկուցվել է կայազորային համալիրում ստեղծված պայմանների մասին։

Նշվել է, որ զորամասի 20,5 հա մակերեսով համալիրը ներառում է շտաբի շենքը, 5 շենքից բաղկացած բնակելի համալիրը՝ 146 բնակարանով, զորանոցը՝ ճաշարանով, բաղնիք, լվացքատուն և բուժ. կենտրոն, աշխատասենյակներ, որոնք ապահովված են՝ անձնակազմի բարձր մակարդակով ծառայության կազմակերրպման համար անհրաժեշտ պայմաններով. Բացի այդ, համալիրն ունի ուղղաթիռի հարթակ, ռազմական տեխնիկայի կայանատեղի, ավտոլցակայաններ և գազալցակայաններ, զենքի, սննդի և տեխնիկայի պահեստներ, խմելու ջրի ջրամբար, կաթսայատուն։ Համալիրի տարածքում՝ մարզական ավանում տեղադրված են վարժասարքեր, կա նաև վոլեյբոլի հրապարակ: