Իլհամ Ալիևի անունից COP29-ին մասնակցելու հրավերներ է փոխանցվել ՄԱԿ-ի մշտական ներկայացուցիչներին

ՄԱԿ-ում Ադրբեջանի մշտական ներկայացուցիչ Յաշար Ալիևը համաշխարհային կազմակերպության իր գործընկերներին է հանձնել COP29-ին մասնակցելու հրավեր նամակներ, որոնք Ադրբեջանի նախագահ Իլհամ Ալիևի կողմից հասցեագրվել են մի շարք երկրների ղեկավարներին:

Ինչպես հաղորդում է Caliber.Az-ը, այս մասին հայտնել է Ադրբեջանի մշտական ներկայացուցչության մամուլի ծառայությունը։

«Քանի որ COP29-ի նախապատրաստական աշխատանքները շարունակվում են ամբողջ թափով, Ադրբեջանի Հանրապետության Նախագահի կողմից Սալվադորի, Լիբիայի, Միկրոնեզիայի, Նոր Զելանդիայի, Նիկարագուայի, Պալաուի, Սենեգալի, Սեյշելյան կղզիների, Սիրիայի, Տուվալուի, Վանուատուի և Վենեսուելայի պետությունների և կառավարությունների ղեկավարներին հասցեագրված հրավեր նամակները [ՄԱԿ-ում] Ադրբեջանի մշտական ներկայացուցչի կողմից փոխանցվել են Նյու Յորքում ՄԱԿ-ի կենտրոնակայանում հավատարմագրված նրա հարգարժան գործընկերներին»,- ասված է հաղորդագրությունում։