Իրանը հերքում է Ադրբեջանի հետ սահմանին զորքերի կուտակման մասին լուրերը

Սեպտեմբերի 13-ին հեռախոսազրույց է տեղի ունեցել Ադրբեջանի պաշտպանության նախարար, գեներալ-գնդապետ Զաքիր Հասանովի և Իրանի Զինված ուժերի Գլխավոր շտաբի պետ, գեներալ-լեյտենանտ Մուհամմադ Հուսեյն Բաղերիի միջև։

Այս մասին Caliber.Az-ին հայտնել են պաշտպանության նախարարությունից։

Կողմերը մտքերի հանգամանալից փոխանակում են անցկացրել տարածաշրջանում տիրող իրավիճակի և անվտանգության հարցերի շուրջ։

Բաղերին ընդգծել է, որ որոշ ուժերի կողմից տարածված ապատեղեկատվությունն այն մասին, թե իբր Իրանը կենդանի ուժ և զինտեխնիկա է կուտակում Ադրբեջանի հետ սահմանին, վարժանքներ է անցկացնում երկու երկրների միջև առկա բարեկամության և բարիդրացիության հարաբերությունները խաթարելու նպատակով, իրականում որևէ հիմք չունի։