Իրանի ԱԳՆ. Ադրբեջանի դեսպանատունը կվերսկսի աշխատանքը մինչև հուլիսի վերջ

Իրանում Ադրբեջանի դեսպանատունը կվերսկսի աշխատանքը առաջիկա 15-20 օրվա ընթացքում։

Ինչպես հաղորդում է Caliber.Az-ը՝ վկայակոչելով իրանական լրատվամիջոցներին, այս մասին հայտարարել է Իրանի ԱԳՆ Եվրասիայի գլխավոր տնօրինության ղեկավար Մուջթաբա Դեմիրչիլուն։

«Ակնկալվում է, որ Թեհրանում Ադրբեջանի դեսպանատան աշխատանքը կվերսկսվի առաջիկա 15-20 օրվա ընթացքում»,- ասել է նա։

Դեմիրչիլուն նաև նշել է, որ պաշտոնական Թեհրանը դեռ չի նշանակել Ադրբեջանում Իրանի նոր դեսպան։ Նրա խոսքով, դեսպանի նշանակման հարցը կքննարկվի երկրում նոր կառավարության ձևավորումից հետո։