Լեյլա Աբդուլաևան պատասխանել է Հայաստանի ԱԳՆ-ին

«Հայաստանի ԱԳՆ-ի անհիմն պնդումները, թե իբր 1990 թվականի հունվարին Բաքվում հայ բնակչության դեմ կոտորած է իրականացվել՝ քարոզչություն է, որի նպատակն է կոծկել Ադրբեջանի խաղաղ բնակչության նկատմամբ ցեղասպանությունը, որը պատմականորեն իրականացնում է հայկական կողմը, ինչպես նաև էթնիկ զտումների քաղաքականությանը, Խոջալու քաղաքում մեկ գիշերվա ընթացքում 613 խաղաղ բնակչի սպանությունը»:

Caliber.Az-ի փոխանցմամբ՝ այս մասին ասել է Ադրբեջանի ԱԳՆ մամուլի ծառայության ղեկավար Լեյլա Աբդուլաևան։

«Ափսոսանքով նշում ենք, որ պատմությունները, որոնցում հայերը ներկայացվում են որպես զոհ, տասնամյակների ընթացքում կազմել են հայ ազգայնամոլության գաղափարական հիմքը, ինչը խթան հաղորդեց Ադրբեջանի նկատմամբ Հայաստանի տարածքային պահանջներին, հանգեցրեց ավերիչ հակամարտության, որը մեծ տառապանքներ պատճառեց հարյուր հազարավոր մարդկանց։

Այն ժամանակ, երբ հետկոնֆլիկտային միջպետականհարաբերությունների կարգավորման հարցերը քննարկման առարկա են, Հայաստանի ԱԳՆ-ի կողմից նման անհիմն և ապակառուցողական հայտարարություններով կրկնվող ելույթները վկայում են այն մասին, որ հակառակ կողմը ոչ թե ձգտում է կարգավորել հարաբերությունները, այլ թունավորում է սեփական հասարակությանը վնասակար գաղափարներով։

Ադրբեջանին անհիմն մեղադրանքներ առաջադրելու փոխարեն Հայաստանի ԱԳՆ-ն պետք է խոստովանի, որ տասնամյակներ շարունակ նախկին նախագահների կողմից հավանության արժանացած էթնիկ զտումների քաղաքականության և գրեթե 30 տարի տևած օկուպացիոն քաղաքականության պատճառով կոպտորեն խախտվել են հարյուր հազարավոր ադրբեջանցիների հիմնարար իրավունքները: Հայաստանի ԱԳՆ-ն պետք է հայտարարի, որ մեղավորները պետք է պատասխանատվության ենթարկվեն, որպեսզի հետագայում նման հանցագործությունները չկրկնվեն»,- նշել է Աբդուլաևան։