Լեյլա Աբդուլլաևա. Ադրբեջանը և Հայաստանը կարող են խաղաղության համաձայնագիր ստորագրել հաջորդ շաբաթ Քիշնևում

Ադրբեջանը և Հայաստանը կարող են խաղաղության համաձայնագիր ստորագրել, երբ երկու երկրների ղեկավարները հանդիպեն հաջորդ շաբաթ Քիշնևում` (Մոլդովա) եվրոպական գագաթնաժողովում։

Ինչպես հաղորդում է Caliber.Az-ը՝ Reuters-ին հղումով, այս մասին Փարիզում լրագրողներին հայտնել է` Ֆրանսիայում Ադրբեջանի դեսպան Լեյլա Աբդուլլևան։

Դիվանագիտական աղբյուրների համաձայն՝ նախատեսվում է, որ Եվրոպական քաղաքական համայնքի գագաթնաժողովի շրջանակներում՝ Ադրբեջանի նախագահ Իլհամա Ալիևը և Հայաստանի վարչապետ Նիկոլ Փաշինյանը բարձր մակարդակով բանակցություններ կվարեն՝ Ֆրանսիայի նախագահ Էմանուել Մակրոնի և Գերմանիայի կանցլեր Օլաֆ Շոլցի մասնակցությամբ։

«Մենք հուսով ենք, որ հունիսի 1-ին Քիշնևում վերջապես կստորագրվի խաղաղության պայմանագիր»,- Փարիզում լրագրողների խմբին ասել է Լեյլա Աբդուլլաևան՝ հավելելով, որ դա կլինի «պատմական հնարավորություն, որը չպետք է բաց թողնել»։