Խորհրդատվություններ են տեղի ունեցել Ադրբեջանի և Իսրայելի ԱԳՆ-ների միջև

Խորհրդատվություններ են տեղի ունեցել Ադրբեջանի և Իսրայելի արտաքին գործերի նախարարությունների միջև։

Ինչպես հայտնում է Caliber.Az-ը, այս մասին «X» սոցիալական ցանցի իր միկրոբլոգում գրել է՝ Իսրայելի ԱԳՆ քաղաքական հարցերով տնօրեն Ալիզա Բին Նունը։

«Ադրբեջանի ԱԳՆ-ում մենք արդյունավետ միջգերատեսչական խորհրդատվություններ անցկացրեցինք փոխարտգործնախարար Ֆարիզ Ռզաևի հետ։ Ուշադիր վերլուծվել են երկկողմ ամուր հարաբերությունները և քննարկվել դրանց հետագա զարգացման ուղիները։ Անդրադարձ ենք կատարել նաև Մերձավոր Արևելքի և Կովկասի զարգացման դինամիկային։ Շնորհակալություն ջերմ ընդունելության և մտքերի արդյունավետ փոխանակման համար»,- ասվում է հրապարակման մեջ։