Խորհրդատվություններ են տեղի ունեցել Ադրբեջանի և Ֆինլանդիայի ԱԳՆ-ների միջև

Հունվարի 25-ին Բաքվում տեղի են ունեցել հերթական քաղաքական խորհրդատվություններ՝ Ադրբեջանի Հանրապետության և Ֆինլանդիայի Հանրապետության արտաքին գործերի նախարարությունների միջև։

Ինչպես Caliber.Az-ին հայտնել են ԱԳՆ մամուլի ծառայությունից, ադրբեջանական կողմից պատվիրակությունը գլխավորել է փոխարտգործնախարար Խալաֆ Խալաֆովը, իսկ ֆիննական կողմից՝ այս երկրի արտաքին գործերի նախարարության՝ Ռուսաստանի, Արևելյան Եվրոպայի և Կենտրոնական Ասիայի դեպարտամենտի գլխավոր տնօրեն Մարիա Լիվալան։

Խորհրդատվությունների շրջանակներում նշվել է, որ այս տարվա մարտի 24-ին նշվելու է երկու երկրների միջև դիվանագիտական հարաբերությունների հաստատման 30-ամյակը, ինչպես նաև այս ընթացքում ձեռք բերված հաջողությունները։

Հանդիպմանը մտքերի լայն փոխանակություն է անցկացվել՝ երկկողմ հարաբերությունների բոլոր ոլորտների և համագործակցության հետագա հեռանկարների շուրջ, ընդգծվել է՝ տնտեսական, կրթական, հումանիտար, ինչպես նաև տեղեկատվական տեխնոլոգիաների ոլորտում կապերի զարգացման լայն հնարավորությունների առկայությունը։