Խորհրդարանի նախագահ. Մեր առաջնահերթությունը հանդիսանում է Թուրքիա-Ադրբեջան-Վրաստան մեխանիզմի ակտիվացումը

«Մեր առաջնահերթությունն է հանդիսանում Թուրքիա-Ադրբեջան-Վրաստան մեխանիզմի ներդրումը, որից հետո Հայաստանը, Ռուսաստանը և Իրանը կկարողանան միանալ այդ գործունեությանը»։

Ինչպես հայտնում է Caliber.Az-ը, այս մասին հայտարարել է Թուրքիայի Ազգային մեծ ժողովի նախագահ Նուման Քուրթուլմուշը՝ վերադառնալով Ադրբեջանից, որտեղ մասնակցել է Ասիական խորհրդարանական վեհաժողովի (ԱԽՎ) 14-րդ լիագումար նիստին։

«Առաջին հերթին եռակողմ Թուրքիա-Ադրբեջան-Վրաստան մեխանիզմը... Մենք էլ ավելի կակտիվացնենք այն։ Անցած շաբաթ Անկարայում էր Վրաստանի ԱԳՆ ղեկավարը։ Սա էլ ավելի կամրապնդի եռակողմ մեխանիզմըը, ինչպես արտգործնախարարների, այնպես էլ խորհրդարանի խոսնակների մակարդակով, իսկ այնուհետև ստեղծել վեցակողմ մեխանիզմ՝ Հայաստանի, Ռուսաստանի և Իրանի մասնակցությամբ»,- ասել է խորհրդարանի նախագահը։