Կոբախիձեն իր աջակցությունն է հայտնել Հայաստանի և Ադրբեջանի միջև սահմանազատման գործընթացին

Վրաստանը ողջունում է Հայաստանի և Ադրբեջանի միջև սահմանազատման գործընթացի մեկնարկը։

Caliber.Az-ի փոխանցմամբ՝ այս մասին հայտարարել է Վրաստանի վարչապետ Իրակլի Կոբախիձեն` Անկարայում Թուրքիայի նախագահ Ռեջեփ Թայիբ Էրդողանի հետ համատեղ ճեպազրույցի ժամանակ։

«Դա հիմք է տալիս երկու երկրների միջև խաղաղության համաձայնագրի վերջնական ստորագրման համար։ Վրաստանը պատրաստ է ներդրում ունենալ տարածաշրջանում կայունության և խաղաղության մեջ»,-ասել է Կոբախիձեն։