Հայաստանը պատանդ է վերցրել ադրբեջանցի մարզիկներին Ինքնաթիռը Թուրքիա է թռել առանց նրանց

Երեկ Երևանում դրոշի այրման միջադեպից հետո Ադրբեջանի ծանրամարտի հավաքականը որոշել է չմասնակցել այս օրերին Հայաստանում ընթացող ծանրամարտի Եվրոպայի առաջնությանը։

Ինչպես հայտնի է դարձել Caliber.Az-ին, մեր թիմի համար ամրագրվել են Երևան-Անթալիա չվերթի տոմսեր։ Ժամը 02.55-ին մեր թիմի անդամները պետք է թռչեին Անթալիա, ապա Բաքու։

Ի՞նչ եղավ հետո:

Հայերը «անվտանգության» պատրվակով մեր թիմին դուրս չեն թողել հյուրանոցից։ Փաստորեն, մեր թիմին պատանդ են պահում մրցումներին մասնակցելուց հրաժարվելուց հետո։ Այս ամենը տեղի է ունենում Ադրբեջանի դրոշի հրկիզումից հետո այն միջոցառման ժամանակ, որն անձամբ բացել է Փաշինյանը, որին մասնակցել են Ծանրամարտի աշխարհի և Եվրոպայի ֆեդերացիաների նախագահներ Մոհամմեդ Ջալուդը և Անտոնիո Կոնֆլիտին։

Հաջորդ քայլը ո՞րն է: Իսկ հետո Երևանում կկրկնե՞ն «Մյունխեն -1972»-ը: Հիշեցնենք, որ Մյունխենի օլիմպիական խաղերում ահաբեկչություն էր իրականցվել պաղեստինյան ահաբեկչական «Սև Սեպտեմբեր» կազմակերպության անդամների կողմից, որին զոհ դարձան Իսրայելի օլիմպիական հավաքականի 11 անդամներ (4 մարզիչ, 5 մարզիկ և երկու մրցավար) և մեկ գերմանացի ոստիկան:

Հաշվի առնելով հայկական ահաբեկչության ավանդույթները և Հայաստանում ադրբեջանցի ռազմագերու դաժան ծեծի ենթարկելու վերջին տեսանյութը՝ պետք է շտապ միջոցներ ձեռնարկել մեր պատվիրակության անդամներին ազատելու համար։