Հայերը ռադիոմիջամտություն են կիրառել իսրայելական և ամերիկյան ինքնաթիռների դեմ Ղարաբաղի երկնքում ԱՀ ՊՆ հայտարարությունը

Ռուսական խաղաղապահ զորախմբի ժամանակավոր տեղակայման գոտում գտնվող հայկական անօրինական զինված կազմավորումները հերթական անգամ ռադիոմիջամտություն են կիրառել Ադրբեջանի օդային տարածքով թռչող արտասահմանյան ավիաընկերությունների մարդատար ինքնաթիռների GPS արբանյակային նավիգացիոն համակարգի դեմ:

Այս մասին հայտնում է Caliber.Az-ը՝ վկայակոչելով Ադրբեջանի ՊՆ-ին։

Այսպես, սեպտեմբերի 1-ին՝ ժամը 11:15-ից մինչև 11:36-ը, Փարիզ-Պեկին ուղղությամբ չվերթ իրականացնող ամերիկյան ավիաընկերության B-77L տիպի մարդատար ինքնաթիռի և ժամը 13:30-ից մինչև 13:58-ը Թել Ավիվ-Բաքու երթուղով չվերթ իրականացնող իսրայելական ավիաուղիների C-650 տիպի օդանավի դեմ ռադիոմիջամտության կիրառման արդյունքում GPS արբանյակային նավիգացիոն համակարգերում խափանում է տեղի ունեցել։

Նշված փաստերի մասին տեղեկացվել է ռուսական խաղաղապահ կոնտինգենտի հրամանատարությունը։