Հաջիև. Հայերն ուզում էին Հայաստանին միացնել ոչ միայն Ղարաբաղը, այլև Նախչըվանը

«Այն կադրերը, որոնք ժամանակին բարձրագույն կրթություն են ստացել մեծ առաջնորդ Հեյդար Ալիևի նախաձեռնությամբ, այսօր էլ իրենց ներդրումն են ունենում պետականության զարգացման գործում»։

Ինչպես հայտնում է Сaliber.Az-ը, այս մասին հայտարարել է ԱՀ նախագահի օգնական, Նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը ADA համալսարանում «Համազգային առաջնորդ Հեյդար Ալիևը և Ադրբեջանի արտաքին քաղաքականությունը» թեմայով համաժողովում։

Նա նշել է, որ 1987-1990 թվականներին համազգային առաջնորդի վրա ճնշում էր գործադրվում. «Ուսումնասիրելով այն ժամանակվա փաստաթղթերը, պարզ է դառնում, որ նպատակաուղղված քաղաքականություն է տարվել Հեյդար Ալիևին ֆիզիկապես ոչնչացնելու համար։ Բայց այդ մտադրությունները չիրականացան»։

Հիքմեթ Հաջիևն ասել է, որ պատմաբաններն իրենց ուսումնասիրություններում երբեմն շեշտում են, որ հայերը որպես իրենց տարածք են ներկայացնում միայն Ղարաբաղը. «Սակայն, իրենց ուսումնասիրություններում պատմաբանները պետք է հաշվի առնեն, որ հայերն ուզում էին Հայաստանին միացնել ոչ միայն Ղարաբաղը, այլև Նախչըվանը: Մեծ առաջնորդ Հեյդար Ալիևի Նախչըվան գալուց հետո նրանց այս երազանքները չիրականացան։ Հեյդար Ալիևը Նախչըվանը փրկեց Ղարաբաղի ճակատագրից:

Մինչև 1993 թվականը Ադրբեջանը չէր կարող լիովին անկախ համարվել։ Միայն 1993 թվականին՝ համազգային առաջնորդ Հեյդար Ալիևի իշխանության վերադարձից հետո, մեր երկիրը լիովին անկախացավ։ Հպարտ եմ, որ հենց մեծ առաջնորդի ազգային կադրային քաղաքականությանը համապատասխան, ես աշխատեցի նաև արտաքին գործերի նախարարությունում»։