Հեյթամ ալ-Գայս. ՕՊԵԿ-ը լիովին աջակցում է Ադրբեջանին Եվ ողջունում է COP29-ի անցկացումը Բաքվում

ՕՊԵԿ-ը լիովին աջակցում է Ադրբեջանին և ողջունում է նոյեմբերին Բաքվում COP29-ի անցկացումը։

Ինչպես հաղորդում է Caliber.Az-ը, այս մասին ասվում է ՕՊԵԿ-ի քարտուղարության՝ նավթային կարտելի գլխավոր քարտուղար Հայթամ ալ-Գայիսի և Ադրբեջանի բնապահպանության և բնական պաշարների նախարար, COP29-ի նախագահ Մուխթար Բաբաևի միջև այսօր Վիեննայում կայացած հանդիպման արդյունքներով հաղորդագրության մեջ:

«Այսօր Հայթամ ալ-Գայիսի և Մուխթար Բաբաևի նախագահությամբ՝ Վիեննայում ՕՊԵԿ-ի կենտրոնակայանում տեղի է ունեցել բարձր մակարդակի երկխոսություն՝ COP29-ին նախապատրաստվելու շրջանակներում: ՕՊԵԿ-ի գլխավոր քարտուղարն ընդգծել է, որ Նավթ արտահանող երկրների կազմակերպության և Ադրբեջանի միջև հարաբերությունները «ոսկե դարաշրջան» են ապրում, և նշել, որ այդ կապերի ամրությունն ակնհայտ է Համագործակցության հռչակագրի և Համագործակցության Խարտիայի [OPEC+] շրջանակներում շարունակական համագործակցության միջոցով»,- ասվում է հայտարարության մեջ:

ՕՊԵԿ-ի գլխավոր քարտուղարը նաև բարձր է գնահատել Ադրբեջանի կողմից COP29-ի նկատմամբ ներառական մոտեցման ընդունումը, որը երաշխավորում է, որ բոլոր կարծիքները, ներառյալ նավթարդյունաբերության խաղացողների դիրքորոշումը, լսելի կլինեն՝ նշելով, որ «այս կառուցողական մոտեցումը ներդաշնակ է ՕՊԵԿ-ի և նրա անդամ երկրների տեսակետների հետ»։