Հիքմեթ Հաջիև. Հայաստանը դեռ ներողություն չի խնդրել ռազմական օկուպացիայի համար

Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևը նոր գրառում է արել՝ կապված Խոջալիում զանգվածային գերեզմանի հայտնաբերման հետ։

Այս մասին հայտնում է Caliber.Az-ը՝ հղում անելով նախագահի օգնականի X-ի էջին:

«Խոջալիում ևս մեկ զանգվածային գերեզման է հայտնաբերվել: Թերևս աստվածային արդարությունն է, որ 1992թ. փետրվարի 26-ին իրականացված Խոջալուի ցեղասպանության հերթական տարելիցին հայտնաբերվել են այս անհայտ և անմեղ քաղաքացիական զոհերի աճյունները: Նրանց ինքնությունը կհաստատվի ԴՆԹ թեստի միջոցով։ Հայկական ռազմական ագրեսիայի հետևանքով մոտ 4000 ադրբեջանցի անհետ կորած է համարվում։ Հայաստանը հրաժարվում է տեղեկատվություն տրամադրել զանգվածային գերեզմանների մասին, որտեղ թաղված են սպանված ադրբեջանցիները։

Պետության յուրաքանչյուր միջազգային ապօրինի գործողություն ենթադրում է միջազգային պատասխանատվություն: Հայաստանի Հանրապետությունը պետական պատասխանատվություն է կրում Խոջալուի ցեղասպանության և Ադրբեջանի դեմ այլ անօրինական գործողությունների համար։ Հայաստանի Հանրապետությունը դեռևս ներողություն չի խնդրել Ադրբեջանի ժողովրդից և պետությունից 30-ամյա ռազմական օկուպացիայի և հատկապես Խոջալուի ցեղասպանության համար»,- գրել է Հիքմեթ Հաջիևը։