Հիքմեթ Հաջիևը հանդիպել է Ջեյք Սալիվանի հետ

Ադրբեջանի նախագահի օգնական Հիքմեթ Հաջիևը հանդիպել է՝ ԱՄՆ նախագահի ազգային անվտանգության հարցերով խորհրդական Ջեյք Սալիվանի հետ։

Ինչպես հայտնում է Caliber.Az-ը, այս մասին Հիքմեթ Հաջիևը գրել է X սոցիալական ցանցի իր էջում։

«Սպիտակ տանը շատ բովանդակալից հանդիպում է տեղի ունեցել ԱՄՆ նախագահի ազգային անվտանգության հարցերով խորհրդական Ջեյք Սալիվանի հետ, որի ընթացքում մենք քննարկել ենք՝ մեր երկրների միջև երկկողմ համագործակցությունը և մեր հարաբերությունների հետագա զարգացման հեռանկարները։ Քննարկվել են նաև տարածաշրջանային և գլոբալ խնդիրներ։ Մենք նաև կարծիքներ ենք փոխանակել՝ տարածաշրջանում խաղաղության առաջընթացի և հայ-ադրբեջանական հարաբերությունների կարգավորման գործընթացի շուրջ»,- ասվում է հրապարակման մեջ։

At the @WhiteHouse had a very substantive meeting with Jake Sullivan, National Security Advisor of the President of the United States, and we reviewed bilateral cooperation between our countries and prospects of further development of our relations. Also, discussed regional and… pic.twitter.com/ucjuBjyiJW

— Hikmet Hajiyev (@HikmetHajiyev) May 17, 2024