Հիքմեթ Հաջիևն ընդունել է Իսրայելի ԱԳՆ բարձրաստիճան պաշտոնյաներին ԼՈՒՍԱՆԿԱՐ

Ադրբեջանի նախագահի օգնական, Նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևն ընդունել է Իսրայելի արտաքին գործերի նախարարության բարձրաստիճան պաշտոնյաներին։

Ինչպես հայտնում է Caliber.Az-ը, այս մասին Հիքմեթ Հաջիևը գրել է Twitter-ի իր միկրոբլոգում։

Հիքմեթ Հաջիևն ընդունել է Իսրայելի ԱԳՆ քաղաքականության հարցերով տնօրեն Ալիզա Բին Նոունին և ԱԳՆ գլխավոր տնօրենի տեղակալ, ռազմավարական հարցերի բաժնի ղեկավար, դեսպան Ջոշուա Զարկուին։

«Ես ուրախ եմ ողջունել Ալիզա Բեն Նոունին և Ջոշուա Զարկուին Նոբել եղբայրների տուն թանգարանում և լայն քննարկումներ անցկացնել մեր երկրների միջև երկկողմ գործընկերության, փոխադարձ հետաքրքրություն ներկայացնող տարածաշրջանային հարցերի շուրջ: Իսրայելում Ադրբեջանի դեսպանատան բացումը ավելի կամրապնդի մեր համագործակցությունը»,- նշել է Հիքմեթ Հաջիևը։

Pleased to welcome at historical Nobel House and to have broad discussion with @AlizaBinNoun Pol Director at @IsraelMFA, @yzarka on bilateral partnership btw our countries,regional issues of mutual concern.Opening of Azerbaijan's Embassy in 🇮🇱 will boost further our cooperation. pic.twitter.com/umOl9xnLfo

— Hikmet Hajiyev (@HikmetHajiyev) January 17, 2023