ՄԱԿ է ներկայացվել է Ադրբեջանի զեկույցը Խոշտանգումների դեմ կոնվենցիայի վերաբերյալ

Ժնևում ապրիլի 23-24-ը ՄԱԿ-ի Խոշտանգումների դեմ կոմիտեի 79-րդ նստաշրջանում ներկայացվել է «Խոշտանգումների և այլ դաժան, անմարդկային կամ արժանապատվությունը նվաստացնող վերաբերմունքի ու պատժի այլ ձևերի դեմ ՄԱԿ-ի կոնվենցիայի» հինգերորդ պարբերական զեկույցը։

Այս մասին Caliber.Az-ին հայտնել են Ադրբեջանի արտաքին գործերի նախարարությունից։

Միջոցառմանը Ադրբեջանը ներկայացնում էր արտաքին գործերի փոխնախարար Սամիր Շարիֆովի գլխավորած պատվիրակությունը։

Իր ելույթում փոխնախարարը նշել է, որ Ադրբեջանի Հանրապետությունը մեծ նշանակություն է տալիս մարդու իրավունքների ոլորտում ՄԱԿ-ի պայմանագրային համապատասխան մարմինների հետ համագործակցությանը, հանձնաժողովի անդամներին մանրամասն տեղեկացրել է վերջին շրջանում երկրում իրականացված դատաիրավական բարեփոխումների, ինչպես նաև Կոնվենցիայից բխող պարտավորությունների կատարման ոլորտում այլ առաջադեմ քայլերի մասին:

Փոխնախարարը հայտարարել է, որ Հայրենական պատերազմի արդյունքում 30-ամյա հայկական օկուպացիայից ադրբեջանական հողերի ազատագրումից հետո առաջին անգամ Ադրբեջանի Հանրապետությունը կկարողանա կատարել իր պարտավորությունները, որոնք բխում են միջազգային պայմանագրերից, և ամբողջությամբ կապահովի օրենքի գերակայությունը երկրի ողջ տարածքում։