ՄԱԿ. «Մեկ առողջություն» հայեցակարգը պետք է հաշվի առնվի Ադրբեջանի գործողությունների ծրագրում

Ադրբեջանում ՄԱԿ-ի մշտական համակարգող Վլադանկա Անդրեևան առաջարկել է ստեղծել աշխատանքային խումբ՝ Ադրբեջանում «Մեկ առողջություն» հայեցակարգի իրականացման համար։

Ինչպես հաղորդում է Caliber.Az-ը, լրագրողների հետ զրույցում Անդրեևան նշել է, որ Ադրբեջանում հետաքրքրություն են ցուցաբերում «Մեկ առողջություն» հայեցակարգի նկատմամբ։

«Ադրբեջանը պետք է հաշվի առնի այս հայեցակարգը իր ազգային գործողությունների պլանը, ինչպես նաև իր օրենսդրական դաշտը մշակելիս: Ամենաարդյունավետը կլիներ միջգերատեսչական աշխատանքային խմբի ստեղծումը։ Դրանք կարող են լինել առողջապահության, գյուղատնտեսության, բնապահպանության և բնական պաշարների նախարարությունները և այլ գերատեսչություններ, ինչպես նաև քաղաքացիական հասարակության ինստիտուտները»,- ասել է նա: