Մամեդովը ներկայացրել է վերաինտեգրման ծրագրերը, հայ բնակիչները խնդրել են սնունդ և վառելիք ԱՀ նախագահի աշխատակազմը՝ Եվլախում կայացած հանդիպման մասին

Սեպտեմբերի 21-ին Եվլախում, ԱՀ նախագահի աշխատակազմի հրավերով, Ղարաբաղի հայ բնակիչների հետ կապերի պատասխանատու նշանակված Ռամին Մամեդովը հանդիպել է՝ Սերգեյ Մարտիրոսյանի և Դավիթ Մելքումյանի հետ։

Ինչպես հայտնում է Caliber.Az-ը, հանդիպմանը որպես մասնակից միացել է՝ ռուսական կողմից ռուս-թուրքական համատեղ մոնիտորինգի կենտրոնի ղեկավար, կոնտրադմիրալ Օլեգ Սեմյոնովը։

Կառուցողական և դրական մթնոլորտում կայացած հանդիպմանը քննարկվել են՝ Ադրբեջանի Հանրապետության Սահմանադրության և օրենքների հիման վրա Ղարաբաղի հայ բնակչության վերաինտեգրման, ենթակառուցվածքների վերականգնման և գործունեության կազմակերպման հարցերը։

Ռամին Մամեդովը ներկայացրել է վերաինտեգրման ծրագրերը:

Ընդգծվել է նաև՝ հակաահաբեկչական միջոցառումների դադարեցման վերաբերյալ ԱՀ ՊՆ սեպտեմբերի 20-ի հայտարարության մեջ արտացոլված հարցերի արագ իրականացման կարևորությունը։

Սոցիալական և հումանիտար բնույթի հարցերի քննարկման համատեքստում Ադրբեջանի Ղարաբաղի տարածաշրջանի հայ բնակիչների ներկայացուցիչները նշել են՝ վառելիքի հատուկ անհրաժեշտությունը։ Նրանք նաև հումանիտար օգնության խնդրանք են հայտնել, այդ թվում՝ սննդամթերքի առաքում։

Հանդիպման արդյունքներով, նրանց խնդրանքը դրական է ընդունվել։ Մասնավորապես, առաջիկայում նախատեսվում է մարդասիրական աջակցություն ցուցաբերել, վառելանյութով ապահովել նրանց, մանկապարտեզներում և դպրոցներում ջեռուցման համակարգերի հիմնում, շտապ բժշկական օգնության և հրդեհաշիջման ծառայություններ։

Պայմանավորվածություն է ձեռք բերվել մոտ ժամանակներում հերթական հանդիպում անցկացնելու մասին։