Մեքսիկական թերթերից մեկը հոդված է հրապարակել Ադրբեջանում առկա ականների խնդրի մասին

Ընթերցողների լայն շրջանակ ունեցող մեքսիկական ամենաազդեցիկ թերթը՝ El Universal-ը, հրապարակել է «Ականներ. աղետ, որը շարունակում է կյանքեր խլել» («Minas terrestres. un flagelo que aún cobra vidas») վերնագրով հոդված։

Այս մասին Сaliber.Az-ին հայտնել են Մեքսիկայում Ադրբեջանի դեսպանատնից։

Մեքսիկայի Ազգային ինքնավար համալսարանի պրոֆեսոր և քաղաքական մեկնաբան Թալյա Իշջանի հոդվածում խոսվում է ականների խնդրի մասին. «Վերջին շրջանում, եթե դուք նայեք այս թեմայով միջազգային վիճակագրությանը, արդյունքները զարմանալի են և հուսահատեցնող, հատկապես Կովկասում ականներով աղտոտվածության մակարդակի հետ կապված»:

Հեղինակը գրում է, որ Հայաստանի կողմից Ադրբեջանին տրամադրված ականադաշտերի քարտեզների միայն 25%-ն է ճշգրիտ։ ՄԱԿ-ի գնահատմամբ՝ տարածքը մաքրելու համար Ադրբեջանին կպահանջվի 30 տարի և 25 միլիարդ դոլար։ Այս գործընթացն ավելի արդիական է դառնում ներքին տեղահանվածների այս հողեր վերադարձի ֆոնին։

Հոդվածում Թալյա Իշջանը մատնանշում է, որ Ղարաբաղյան Երկրորդ պատերազմի ավարտից հետո Ադրբեջանում ականների զոհ է դարձել երկրի շուրջ 400 քաղաքացի։