«Անսահմանափակ եղբայրություն-IV». Վեց երկրների հատուկ նշանակության ուժերը հավաքվել են Բաքվում

Բաքվում՝ «Անսահմանափակ եղբայրություն-IV» բազմազգ համատեղ զորավարժություններ են անցկացվում, որոնց մասնակցում են՝ Ադրբեջանի, Ղազախստանի, Կատարի, Ուզբեկստանի, Պակիստանի և Թուրքիայի հատուկ նշանակության ուժերը, ինչպես նաև ընդգրկված են զրահատեխնիկա, բանակային ավիացիա և անօդաչու թռչող սարքեր։
 
Ինչպես Caliber.Az-ին հայտնել են Պաշտպանության նախարարությունից, այսօր նախարարության ղեկավարությունը մասնակցել է զորավարժությունների բացման հանդիսավոր արարողությանը։ Զորավարժությունների նպատակն է՝ փորձի փոխանակումը, փոխգործակցության հմտությունների կատարելագործումը և բարեկամ ու դաշնակից երկրների հատուկ նշանակության ուժերի կողմից համատեղ գործողություններ իրականացնելը։
 
Ելույթ ունենալով բացման արարողությանը, Զաքիր Հասանովը նշել է, որ հատուկ նշանակության ուժերի բազմազգ համատեղ զորավարժությունները՝ մասնակից երկրների միջև ռազմական համագործակցության, բարեկամության և եղբայրական հարաբերությունների վառ օրինակ են հանդիսանում։ Նա ընդգծել է, որ նման զորավարժությունները ռազմավարական նշանակություն ունեն ոչ միայն ռազմական փորձի փոխանակման և գործնական հմտությունների զարգացման, այլև միջազգային անվտանգության ամրապնդման և տարածաշրջանում խաղաղության պահպանման առումով։ Նախարարը ընդգծել է, որ հատուկ նշանակության ուժերի դերը գնալով ավելի կարևոր է դառնում ժամանակակից մարտերում և վստահություն հայտնել, որ համատեղ վարժանքները կնպաստեն անձնակազմի պրոֆեսիոնալիզմի բարձրացմանը և նոր հնարավորություններ կբացեն մասնակից երկրների զինված ուժերի համար։
 
Այնուհետև Զաքիր Հասանովը ծանոթացել է զորավարժությունների մասնակիցների համար ստեղծված պայմաններին։
 
Նշենք, որ զորավարժությունների ընթացքում հատուկ նշանակության ուժերի ստորաբաժանումները կկատարեն՝ կրակային և պարաշյուտային ​​պատրաստության, դիպուկահարային հրաձգությաներ և թշնամուց բնակավայրի ազատագրման առաջադրանքներ: