Ադրբեջանի խորհրդարանում քննարկում են Վաշինգտոնյան համաձայնագրերը

Միլլի Մեջլիսի (ՄՄ) արտահերթ նստաշրջանի շրջանակներում մեկնարկել է՝ «Վաշինգտոնյան համաձայնագրեր. խաղաղ դիվանագիտության և իմաստուն առաջնորդության հաղթանակ» թեմային նվիրված հատուկ նիստը։
 
Ինչպես հաղորդում է Report-ը, հատուկ նստը անցկացվում է ՄՄ խոսնակ Սահիբա Գաֆարովայի նախագահությամբ։
 
Նիստում հնչել է Ադրբեջանի Հանրապետության պետական  օրհներգը։
 
Հաշվի առնելով դիմումը՝ նախագահը  կարգադրություն է ստորագրել Միլլի Մեջլիսի արտահերթ նստաշրջան հրավիրելու մասին։
 
Նիստում Գաֆարովան ընդգծել է, որ Զանգեզուրի միջանցքը փոխում է Եվրասիայի տրանսպորտային քարտեզը և նոր հնարավորություններ է բացում։
 
Նրա խոսքով՝ Զանգեզուրի միջանցքը շատ մեծ նշանակություն ունի։
 
Գաֆարովան նշել է, որ միջազգային հանրությունը դրականորեն է արձագանքել Վաշինգտոնյան համաձայնագրերին։
 
Խոսնակը, անդրադառնալով նաև ԵԱՀԿ Մինսկի խմբի գործունեության սեպտեմբերի 1-ից դադարեցմանը, ընդգծել է, որ դա կնպաստի խաղաղության գործընթացին։
 
Գաֆարովան պատմական է անվանել՝ օգոստոսի 8-ին Վաշինգտոնում Ադրբեջանի և Հայաստանի միջև ձեռք բերված համաձայնագրերը։
 
«Նախագահ Իլհամ Ալիևի Վաշինգտոն կատարած այցի ընթացքում ձեռք բերված համաձայնությունները պատմական նշանակություն ունեն՝ Ադրբեջանի և ամբողջ տարածաշրջանի համար։ Դրանք ազդել են ոչ միայն ամերիկա-ադրբեջանական հարաբերությունների և խաղաղության օրակարգի, այլև ամբողջ Հարավային Կովկասում տեղի ունեցող գործընթացների վրա», - ասել է խոսնակը։
 
Գաֆարովայի խոսքով՝ այս պատմական համաձայնագրերը, որպես համազգային առաջնորդ Հեյդար Ալիևի քաղաքական ուղու շարունակություն, կարելի է համարել խոշոր հաջողություններից մեկը։
 
Հիշեցնենք, որ Միլլի Մեջլիսի պատգամավորները, հիմնվելով Ադրբեջանի Սահմանադրության 88-րդ հոդվածի 2-րդ մասի վրա, դիմել են Սահիբա Գաֆարովային՝ խորհրդարանի արտահերթ նիստ հրավիրելու խնդրանքով։