Ադրբեջանցի նավաստիները սովորում են պաշտպանել նավերը դիվերսանտներից

Ընթացիկ տարվա ուսումնական պլանի համաձայն՝ Ադրբեջանի Ռազմածովային ուժերում վարժանքներ են անցկացվել՝ նվիրված ջրերում նավը դիվերսիայից պաշտպանելուն։ 

Ինչպես Caliber.Az-ին հայտնել են Պաշտպանության նախարարությունից, վարժանքների նպատակն էր նավի անձնակազմի՝ հակադիվերսիոն պաշտպանության գործողությունների կատարելագործումը և խարիսխ գցելու ժամանակ նավի վրա հնարավոր արտակարգ իրավիճակներում պատրաստվածության մակարդակի ստուգումը։ Վարժանքների ընթացքում կատարվել են գործնական առաջադրանքներ՝ հրդեհի ժամանակ անվտանգությունն ապահովելու, տուժածներին առաջին բուժօգնություն ցուցաբերելու և աղետի գոտուց նրանց տարհանելու  հետ կապված։ Վարժանքների արդյունքներով՝ ղեկավարությունը բարձր է գնահատել անձնակազմի պրոֆեսիոնալիզմը և պատրաստվածության մակարդակը։