Մոնիտորինգի կենտրոն. Անցած 2 տարում հայերը հրադադարի պահպանման ռեժիմը խախտել են 258 անգամ

Աղդամի թուրք-ռուսական համատեղ մոնիտորինգի կենտրոնը՝ վերջին 2 տարվա ընթացքում հայերի կողմից հրադադարի պահպանման ռեժիմի խախտման 258 փաստ է արձանագրել:

Ինչպես հայտնում է Caliber.Az-ը՝ Haber Global-ին հղումով, կենտրոնը շարունակում է աշխատանքը։ Կենտրոնը հսկողություն է իրականացնում՝ անօդաչու թռչող սարքերի և այլ տեխնիկական միջոցների միջոցով, արձանագրում հրադադարի ռեժիմի խախտման փաստերը, մոնիտորինգի արդյունքները փաստաթղթավորվում են։

Հիշեցնենք, որ մոնիտորինգի կենտրոնը գործում է 2021 թվականի հունվարի 30-ից։