ՄՕԿ-ը ներողություն է խնդրել Ադրբեջանից ֆրանսիացի լրագրողի արարքների համար ԼՈՒՍԱՆԿԱՐ

Միջազգային օլիմպիական կոմիտեն ներողություն է խնդրել Ադրբեջանից՝ ֆրանսիական France2 հեռուստաալիքի թղթակցի արտահայտությունների համար, ով մեկնաբանել է Փարիզում Օլիմպիական խաղերի բացման արարողությունը։

Այս մասին հայտնում է Report-ը՝ հղում անելով երիտասարդության և սպորտի նախարարությանը։

«Պատասխան է ստացվել՝ Ադրբեջանի երիտասարդության ու սպորտի նախարարության և Ազգային օլիմպիական կոմիտեի կողմից Միջազգային օլիմպիական կոմիտեին ուղղված բողոքի պաշտոնական նամակին, որը կապված էր ֆրանսիական France2 հեռուստաալիքի թղթակցի կողմից Ադրբեջանի դեմ ուղղված կողմնակալ հայտարարությունների հետ՝ Փարիզում ամառային օլիմպիական խաղերի բացման արարողությանը։

Միջազգային օլիմպիական կոմիտեն պատասխան նամակում ներողություն է խնդրել Ադրբեջանից։ Նամակում նշվում է, որ նման հայտարարությունները հակասում են այն սկզբունքներին ու արժեքներին, որոնք Միջազգային օլիմպիական կոմիտեն քարոզում է սպորտի և օլիմպիական խաղերի միջոցով։ Նամակում նշվում է, որ նրանք կապ են հաստատել այս հարցով պատասխանատու կառույցների և անձանց հետ և հիշեցրել ՄՕԿ-ի սաշխատանքի սկզբունքների ու արձանագրությունների մասին՝ ապագայում նմանատիպ իրավիճակներից խուսափելու համար»,- ասված է հաղորդագրությունում։

Նախարարությունում հավելել են որ սպասում են նաև Ֆրանսիայի կառավարությունից պաշտոնական ներողությանը։