ՅՈՒՆԻՍԵՖ-ի համակարգող. Ադրբեջանում ականներից զոհվածների թիվը շատ մեծ է

Ադրբեջանում ականների պայթյունների հետևանքով զոհերի թիվը շատ մեծ է, հատկապես հաշվի առնելով այս երկրի բնակչության թիվը:

Այս մասին, ինչպես տեղեկացնում է Caliber.Az-ը, Բաքվում՝ «Ականազերծման սպառնալիքների դեմ պայքար. ճանապարհ դեպի կայուն զարգացում» թեմայով ականազերծման հարցերի միջազգային հումանիտար համաժողովում հայտարարել է՝ ՅՈՒՆԻՍԵՖ-ի ականազերծման հարցերի համակարգող Հյուգ Լորանջը։

Նա պատմել է Ադրբեջանի ականազերծման գործակալության (ANAMA) հետ համագործակցության մասին։

«Ադրբեջանում ականների վնասազերծումը շատ կարևոր է առանց մարդկային կորուստների, սակայն դրա համար անհրաժեշտ է բավականաչափ ներդրումներ կատարել։ Բացի այդ, յուրաքանչյուր քաղաքացի պետք է տեղյակ լինի ականներից բխող վտանգների և ռիսկերի մասին։ Անհրաժեշտ է ներդրումներ կատարել կրթության միջոցով խաղաղություն կառուցելու համար»,- ասել է Հյուգ Լորանժը։