Նաթավան Հասանովան՝ գենդերային հավասարության և կին առաջնորդների համար ներդրումներ կատարելու մասին Euronews-ի ՏԵՍԱՆՅՈՒԹ

Euronews հեռուստաալիքի կայքը հրապարակել է հոդված և տեսանյութ, որտեղ «Ազերկոսմոս»-ից Նաթավան Հասանովան պատմում է այն մասին, թե որքան կարևոր է ընդունել գենդերային հավասարությունը և ներդրումներ կատարել կին առաջնորդների համար։

Նաթավան Հասանովայի ուղին դեպի տիեզերական արդյունաբերություն սկսվեց այն ժամանակ, երբ նա մարտահրավեր նետեց սպասումներին և որոշեց դաշնամուրի ուսուցչուհի դառնալու փոխարեն՝ ինչպես ցանկանում էին ծնողները, տնտեսագիտություն սովորել:

Երբ Նաթավանը եկավ Ադրբեջանի Հանրապետության տիեզերական գործակալություն` «Ազերկոսմոս», նա ծանոթացավ կանանց հետ, ովքեր հաջողությամբ կատարում էին իրենց աշխատանքը, որպես տեխնիկական ղեկավարներ: Դա օգնեց նրան հասկանալ, որ տղամարդկանց գերակշռող այս ոլորտում հաջողությունը լիովին հասանելի էր: Նաթավանը աստիճանաբար հաջողությունների հասավ իր կարիերայում և ներկայումս զբաղեցնում է՝ «Ազերկոսմոս»-ի ռազմավարության և բիզնեսի զարգացման տնօրենի պաշտոնը: Նա ղեկավարում է 10 հոգուց բաղկացած գենդերային հավասարակշռված թիմը, որը նպաստում է ինչպես գենդերային հավասարությանը, այնպես էլ նախագծերի տեսակետների բազմազանությանը:
Նաթավանը հպարտանում է «Ազերկոսմոս»-ում իր աշխատանքով և Euronews-ի պատմել է այն մասին, թե ինչպես է գործակալությունը կարևոր աշխարհագրական տվյալներ և տեսածառայություններ տրամադրում ավելի քան 200 հաճախորդների՝ ավելի քան 40 երկրներում: Այս ծառայություններն օգնում են էկոլոգիայի կառավարմանը, կլիմայի փոփոխության հետևանքների մոնիտորինգին և պետական քաղաքականության ձևավորմանը: Բացի այդ, «Ազերկոսմոս»-ը առանցքային դեր է խաղում Ադրբեջանի տիեզերական էկոհամակարգի զարգացման գործում՝ անցկացնելով մրցույթներ, հաքաթոններ, արագացման ծրագրեր և միջոցառումներ: 2023 թվականին գործակալությունը հյուրընկալել է Միջազգային տիեզերագնացության կոնգրեսը, որին մասնակցել է 132 երկիր։

Նպատակ ունենալով դառնալ տիեզերական արդյունաբերության ոլորտի միջազգային առաջատար՝ Նաթավանը շարունակել է կրթությունը Միջազգային տիեզերական համալսարանում և զբաղվում է երիտասարդ կանանց ուսուցմամբ՝ խրախուսելով նրանց՝գործունեություն ծավալել տիեզերքի հետ կապված ոլորտներում: Նրա խնամարկյալերը հաջողության են հասել այդ ոլորտում, և Նաթավանը օրինակ է ծառայում նրա, որ հաստատակամությունը և իր տեսլականին հետևելը արդյունք են տալիս: