ՆԱՏՕ-ի ներկայացուցիչը Հայաստանի փոխարտգործնախարարի հետ քննարկել է Ադրբեջանի հետ սահմանների սահմանազատման հարցը

ՆԱՏՕ-ի գլխավոր քարտուղարի Կենտրոնական Ասիայի և Հարավային Կովկասի հարցերով հատուկ ներկայացուցիչ Խավիեր Կոլոմինան հանդիպել է Հայաստանի արտաքին գործերի փոխնախարար Վահան Կոստանյանի հետ։

APA-ի փոխանցմամբ՝ այս մասին X-ի իր էջում գրել է ՆԱՏՕ-ի պաշտոնյան։

Նրա խոսքով՝ հանդիպումը կայացել է Բրյուսելում գտնվող ՆԱՏՕ-ի կենտրոնակայանում։

«Քննարկվել են ՆԱՏՕ-ի և Հայաստանի միջև երկկողմ համագործակցության ամրապնդման ուղիները, ինչպես նաև կարգավորման գործընթացի տարածաշրջանային դինամիկան՝ Ադրբեջանի և Հայաստանի միջև սահմանների սահմանազատման վերջին համաձայնագրից հետո»,- հավելել է նա։