Ներկով և պայթուցիկով շշեր. հայերը հարձակվել են Լիբանանում Ադրբեջանի դեսպանատան վրա Բաքուն նոտա է հղել Լիբանանին / ԼՈՒՍԱՆԿԱՐ

Լիբանանում Ադրբեջանի դեսպանատան դիմաց ցույց անցկացրած շուրջ 50 հայեր հարվածել են դեսպանատան վարչական շենքի ցանկապատին, ներկով և պայթուցիկ խառնուրդով շշեր նետել դեսպանատան շենքի վրա:

Այս մասին Caliber.Az-ին հայտնել են արտաքին գործերի նախարարությունից։ «Դեսպանատան աշխատակիցները չեն տուժել։ Դեպքի մասին դիվանագիտական առաքելությունների պաշտպանության համար պատասխանատու կառույցին հայտնելուն պես դեպքի վայր են ժամանել իրավապահ մարմինները, սակայն այդ պահին սադրիչներին հաջողվել է փախչել։

Դիվանագիտական ներկայացուցչության վրա կատարված այս հարձակման, ինչպես նաև հանցագործներին հայտնաբերելու և ձերբակալելու նպատակով համապատասխան նոտա է փոխանցվել Լիբանանի արտաքին գործերի նախարարությանը:

Դեսպանատան անվտանգությունն ուժեղացվել է, կատարվում է հետաքննություն»,- հայտնել են ԱԳՆ-ից։