Նշանակվել է Ադրբեջանում Հունաստանի նոր դեսպան

Ադրբեջանում Հունաստանի նոր դեսպան է նշանակվել Խրիստո Կապոդիստրիան։

Ինչպես հայտնում է Caliber.Az-ը, նրա հետ հանդիպում է ունեցել՝ Հունաստանում Ադրբեջանի դեսպան Անար Հուսեյնովը։

«Բաքվի իմ հույն գործընկերոջը՝ պարոն Քրիստո Կապոդիստրիասին, հաջողություն եմ մաղթում Ադրբեջանի և Հունաստանի միջև երկկողմ հարաբերությունների զարգացման գործում»,- գրել է Ա.Հուսեյնովը Facebook-ում։

Ակնկալվում է, որ Հունաստանի նոր դեսպանը Բաքու կժամանի մոտ ժամանակներս։ Խրիստո Կապոդիստրիասը՝ Ադրբեջանում Հունաստանի դիվանագիտական ներկայացուցչության ղեկավարի պաշտոնում կփոխարինի Նիկոլաս Պիպերիգոսին: