Ուկրաինայի Գերագույն Ռադայի պատվիրակությունը հետևելու է Ադրբեջանի նախագահական ընտրություններին

Ուկրաինայի Գերագույն Ռադայի պատվիրակությունը դիտարկելու է փետրվարի 7-ին Ադրբեջանում կայանալիք արտահերթ նախագահական ընտրությունները։

Ինչպես հայտնում է Caliber.Az-ը՝ հղում անելով secki-2024.az-ին, դիտորդական առաքելությունը կգլխավորի Ուկրաինայի Գերագույն Ռադայի փոխնախագահ Օլենա Կոնդրատյուկը։

Դիտորդական առաքելության կազմում ընդգրկված են ուկրաինացի պատգամավորներ Սերգեյ Բունինը, Ուկրաինա-ադրբեջանական միջխորհրդարանական բարեկամության խմբի համանախագահ Վալերի Կոլյուխը, Ուկրաինայի Գերագույն Ռադայի փոխնախագահի միջազգային հարցերով խորհրդական Ալեքսանդր Միշչենկոն:

Ուկրաինայի Գերագույն Ռադայի դիտորդական առաքելությունը փետրվարի 4-ից 8-ը կլինի Ադրբեջանում և զեկույց կպատրաստի ընտրությունների արդյունքների վերաբերյալ։