Ուկրաինան որոշել է հաշտեցնել Ադրբեջանին և ԵԽԽՎ-ին ԼՈՒՍԱՆԿԱՐ

Ուկրաինայի Գերագույն Ռադայի արտաքին քաղաքականության և միջխորհրդարանական համագործակցության կոմիտեն երկխոսության և համագործակցություն կոչ է արել՝ Եվրոպայի խորհրդի խորհրդարանական վեհաժողովին (ԵԽԽՎ) և Ադրբեջանի Հանրապետության Միլլի Մեջլիսի (Խորհրդարան) միջազգային և միջխորհրդարանական կապերի կոմիտեին:

AZERTAC-ի փոխանցմամբ՝ Գերագույն ռադայի արտաքին քաղաքականության և միջխորհրդարանական համագործակցության կոմիտեն համապատասխան պաշտոնական դիմում է ընդունել։

Դիմումում նշում է, որ հաշվի առնելով՝ 2024 թվականի ԵԽԽՎ ձմեռային նստաշրջանի ընթացքում ստեղծված իրավիճակը և Ադրբեջանի խորհրդարանական պատվիրակության լիազորությունների չհաստատումը՝ Գերագույն ռադայի արտաքին քաղաքականության և միջխորհրդարանական համագործակցության կոմիտեի՝ 2024 թվականի փետրվարի 7-ին կայացած նիստում դիմում է ընդունվել կողմերին։

Իր դիմումում կոմիտեն կոչ է անում ԵԽԽՎ-ին և Ադրբեջանի Հանրապետության Միլլի Մեջլիսի միջազգային և միջխորհրդարանական հարաբերությունների կոմիտեին՝ վերադառնալ բանակցային գործընթացին և կառուցողական երկխոսությանը։ «Որքան էլ սուր թվան այսօր առաջացած հարցերը՝ մենք կոչ ենք անում երկու կողմերին լուծել դրանք՝ առաջնորդվելով ժողովրդավարության և օրենքի գերակայության սկզբունքներով», - ընդգծվում է դիմումում։