Ջեյհուն Բայրամով. Բաքվի և Երևանի միջև բանակցությունները շարունակվում են

Ադրբեջանի և Հայաստանի միջև հարաբերությունների կարգավորման գործընթացի շուրջ բանակցությունները շարունակվում են:

Ինչպես հայտնում է Caliber.Az-ը, այս մասին՝ Սոմալիի արտաքին գործերի և միջազգային համագործակցության նախարար Ահմեդ Մոալլիմ Ֆիջիի հետ համատեղ ասուլիսի ժամանակ ասել է՝ Ադրբեջանի արտաքին գործերի նախարար Ջեյհուն Բայրամովը։

Նրա խոսքով, Սոմալին միշտ աջակցել է Ադրբեջանի արդար դիրքորոշմանը։ Դա եղել է ինչպես 44-օրյա պատերազմի ժամանակ, այնպես էլ դրանից հետո։

«Ես իմ գործընկերոջը տեղեկացրել եմ՝ ազատագրված տարածքների վերականգնման գործընթացի, պահպանվող ականային սպառնալիքի, ինչպես նաև Ադրբեջանի և Հայաստանի միջև հարաբերությունների կարգավորման գործընթացի շուրջ բանակցությունների մասին»,- ասել է Ջեյհուն Բայրամովը։