Ջեյհուն Բայրամով. Հայաստանի սադրանքներն անպատասխան չեն մնա

Բոլորը և առաջին հերթին Հայաստանը պետք է հասկանան, որ ոչ մի սադրանք անպատասխան չի մնա, և պատասխանը կտրվի ամենակոշտ ձևով։

Caliber.Az-ի փոխանցմամբ՝ այս մասին լրագրողներին ասել է Ադրբեջանի արտգործնախարար Ջեյհուն Բայրամովը։

Նրա խոսքով՝ սադրանքները կարող են բացասաբար ազդել ցանկացած գործընթացի, հանդիպման կամ բանակցությունների վրա։

«Որովհետև էլ ավելի լարվածություն ստեղծելով, դրանք բացասաբար են անդրադառնում խաղաղ գործընթացի վրա։ Ադրբեջանի դիրքորոշումը միանշանակ է: Ադրբեջանցի զինվորի նկատմամբ ցանկացած սադրանք կստանա ամենակոշտ պատասխանը»,- ասել է նախարարը։