Ջեյհուն Բայրամովը՝ Վաշինգտոնում հանդիպման մասին. Մենք մեկ քայլ առաջ արեցինք

«Մենք ևս մեկ քայլ առաջ ենք արել. ԱՄՆ-ում հանդիպումների հիմնական իմաստը՝ խաղաղության պայմանագրի շուրջ բանակցություններն են»։

Ինչպես հաղորդում է Caliber.Az-ը, այս մասին լրագրողներին ասել է Ադրբեջանի արտգործնախարար Ջեյհուն Բայրամովը՝ մեկնաբանելով մայիսի 1-4-ը Վաշինգտոնում Ադրբեջանի և Հայաստանի ԱԳ նախարարների հանդիպումները։

«Ինչպես գիտեք, խաղաղության պայմանագրի հետ կապված նախաձեռնությունները հայտարարվել են Ադրբեջանի կողմից։ Դեռ 2021 թվականին նախագահ Իլհամ Ալիևն առաջին անգամ հնչեցրեց դրանք։ 2022 թվականի փետրվարին Ադրբեջանը 5 հիմնարար սկզբունքներ է առաջադրել: Ի վերջո, 2022 թվականի հոկտեմբերին սկսվեցին բանակցությունները խաղաղության պայմանագրի շուրջ։ Նույն բանակցությունները սկսվեցին Ադրբեջանի կողմից՝ ի սկզբանե առաջարկված ընդլայնված հիմնարար սկզբունքների շուրջ։ Ավելի ուշ՝ նոյեմբերին, հանդիպումներ են կայացել Վաշինգտոնում։ Երրորդ հանդիպումը նախատեսված էր դեկտեմբերին Մոսկվայում։ Սակայն Հայաստանը հրաժարվեց երրորդ հանդիպումից։ Նա բոյկոտել է հանդիպումը՝ պատճառաբանելով տարբեր պատճառներ։ Դրանցից մեկը Լաչինի ճանապարհի հարցն էր։ Արդյունքում շուրջ 6 ամիս հանդիպումներ չեն անցկացվել։ ԱՄՆ-ի միջնորդությամբ հայկական կողմը վերադարձավ բանակցությունների սեղան, և բանակցությունները տևեցին 4 օր։ Բանակցությունները ծավալվել են խաղաղության պայմանագրի շուրջ»,- ասել է նախարարը։