Ջեյմս Օ'Բրայեն. Մեզ անհրաժեշտ է խաղաղության համաձայնագիր Ադրբեջանի և Հայաստանի միջև

ԱՄՆ-ը ձգտում է ապահովել, որպեսզի Կենտրոնական Ասիայից ապրանքների արտահանումն իրականացվի ոչ թե Ռուսաստանով և Չինաստանով, այլ այլընտրանքային ուղիներով, այդ թվում՝ Ադրբեջանով։

Ինչպես հաղորդում է ՏԱՍՍ-ը, այս մասին Կոնգրեսի Ներկայացուցիչների պալատի արտաքին գործերի կոմիտեում կայացած լսումների ժամանակ հայտարարել է՝ պետքարտուղարի Եվրոպայի և Եվրասիայի հարցերով օգնական Ջեյմս Օ՛Բրայենը։

«Դա վերաբերում է ողջ տարածաշրջանին, Կենտրոնական Ասիային, այս բոլոր երկրների արտահանումը այժմ համաշխարհային շուկաներ է գնում միայն Չինաստանի և Ռուսաստանի տարածքով։ Շրջանցիկ ճանապարհի համար նրանք պետք է համագործակցեն Ադրբեջանի հետ»,- ասել է նա՝ խոսելով Բաքու իր հետագա այցի նպատակների մասին։

«Մի երթուղին անցնում է Վրաստանով դեպի Սև ծով, իսկ մյուսը, պոտենցիալ ավելի մեծը, կանցնի Ադրբեջանով, Հայաստանով և Թուրքիայով, և այդ պատճառով մեզ անհրաժեշտ է խաղաղ համաձայնագիր Ադրբեջանի և Հայաստանի միջև»,- պարզաբանել է դիվանագետը։