Սահիբ Մամեդով. ԵՄ-ն Ադրբեջանում ներդրել է ավելի քան 20 միլիարդ դոլար

Վերջին 10 տարիների ընթացքում ԵՄ-ն ավելի քան 20 միլիարդ դոլար է ներդրել Ադրբեջանում նախագծերում:

Ինչպես հայտնում է Caliber.Az-ը, այս մասին հայտարարել է՝ Ադրբեջանի տնտեսության փոխնախարար Սահիբ Մամեդովը։

Նրա խոսքով, Ադրբեջանը Եվրամիության կարևոր գործընկերն է և եվրոպացի ներդրողների համար ամենագրավիչ շուկաներից մեկը։ Ներկայումս երկրում գործում է ավելի քան 700 եվրոպական ընկերություն։

Ս.Մամեդովը նշել է, որ ԵՄ-ն մնում է Ադրբեջանի հիմնական արտաքին առևտրային գործընկերներից մեկը։

Փոխնախարարն ասել է, որ 2021 թվականին ԵՄ-ի մասնաբաժինը Ադրբեջանի արտաքին առևտրում կազմել է 44,8% (15,2 մլրդ դոլար), 2022 թվականի հունվար-հոկտեմբերին այդ ցուցանիշը կազմել է 54,49% (25,23 մլրդ դոլար)։