Սահիբա Գաֆարովա. Ֆրանսիայի Ազգային ժողովի բանաձևը կողմնակալ, ոչ օբյեկտիվ և անարդար ակտ է

Նոյեմբերի 30-ին Ֆրանսիայի Ազգային ժողովի կողմից ընդունված բանաձևը կողմնակալ, ոչ օբյեկտիվ և անարդար ակտ է։

Այս մասին դեկտեմբերի 2-ին խորհրդարանի լիագումար նիստում իր ելույթի ժամանակ հայտարարել է Միլլի Մեջլիսի նախագահ Սահիբա Գաֆարովան, հայտնում է Caliber.Az-ը։

Նրա խոսքով, բանաձևն ուղղված է Ադրբեջանի տարածքային ամբողջականության դեմ, անհարգալից վերաբերմունք է միջազգային իրավունքի նորմերի նկատմամբ. «Մենք կտրականապես մերժում ենք այդ բանաձևը և այդ քայլը համարում քաղաքական երեսպաշտություն»։