Տոյվո Կլաար. Բաքվի և Երևանի միջև հարաբերությունները կարգավորելու համար շատ ժամանակ չի պահանջվի

Եվրամիությունը (ԵՄ) նախատեսում է սերտորեն աշխատել Ադրբեջանի և Հայաստանի հետ՝ երկու երկրների միջև հարաբերությունների կարգավորման հարցում շուտափույթ արդյունքի հասնելու համար։

Ինչպես հայտնում է Сaliber.Az-ը, այս մասին «Ազատություն» ռադիոկայանին ասել է Հարավային Կովկասում ԵՄ հատուկ ներկայացուցիչ Տոյվո Կլաարը։

«Մենք ցանկանում ենք այս ուղղությամբ աշխատել Հայաստանի և Ադրբեջանի հետ միասին՝ դրական արդյունքի հասնելու համար։ Չեմ կարծում, որ այդքան ժամանակ կպահանջվի, եթե երկու կողմից էլ լինի քաղաքական հանձնառություն»,- նշել է նա։

Կլաարն ընդգծել է, որ ԵՄ-ն աջակցում է Հարավային Կովկասում խաղաղության և կայունության հաստատման գործընթացին։