Փաշինյանն անիրատեսական է անվանել ՀԱՊԿ խաղաղապահների մուտքը Ղարաբաղ

Հայաստանի վարչապետ Նիկոլ Փաշինյանը հայտարարել է, որ Ղարաբաղում ՀԱՊԿ խաղաղապահ առաքելություն մտցնելու գաղափարը գրեթե անիրագործելի է։

Ինչպես հաղորդում է Сaliber.Az-ը՝ վկայակոչելով հայկական ԶԼՄ-ներին, մամուլի ասուլիսի ժամանակ Հայաստանի վարչապետին հարցրել են, թե հնարավոր համարո՞ւմ է ՀԱՊԿ բազմազգ խաղաղապահ կոնտինգենտի ներգրավումը։

Փաշինյանը նշել է, որ կասկածներ կան կազմակերպության որոշ երկրների օբյեկտիվության վերաբերյալ։ Նրա խոսքով, իրենք դե յուրե Հայաստանի դաշնակիցներն են, դե ֆակտո ավելի մոտ են Ադրբեջանին, նրա հետ զարգացնում են տնտեսական ու քաղաքական հարաբերությունները։ Այս տեսանկյունից նրանց գալը ավելի կբարդացներ իրավիճակը։

Ռուս խաղաղապահների մանդատի երկարաձգման կամ ռուսական մանդատի ավարտից հետո այլ ուժերի ներգրավման մասին հարցին Փաշինյանը հորդորել է առաջ չվազել։

«Պետք է գնահատել տեղի ունեցածի 4,5 տարվա արդյունքներով։ Մեր խնդիրն է ապահովել Լեռնային Ղարաբաղի ժողովրդի անվտանգությունն ու իրավունքները։ Այսինքն՝ մեզ համար կարևոր է նպատակը։ Եվ այս նպատակին հասնելու համար անհրաժեշտ է օգտագործել ամենաարդյունավետ միջոցները»,- ասել է Փաշինյանը։