Քաղաքագետ Միքայելյան. Հայաստանը գլորվում է դեպի ավտորիտարիզմ
«Ֆրանսիայում անկարգություններ հրահրած ցուցարարները հարձակվում են պաշտոնյաների, իշխանության ներկայացուցիչների, նրանց ընտանիքների և նույնիսկ հեռավոր ազգականների վրա: Իսկ Մակրոնը անցյալ տարի հրապարակավ հարվածել էր մի կնոջ, և նա դրա համար քրեական պատասխանատվության չենթարկվեց: Քաղաքագետ Հրանտ Միքայելյանին հարցրել են, թե ինչու ժողովրդավարության օրրան Ֆրանսիայում իշխանությունները կարող են մեղմ վերաբերվել սեփական քաղաքացիների իրական հանցագործություններին, իսկ «ժողովրդավարության օրրան» Հայաստանում՝ քաղաքացուն բերման են ենթարկում Փաշինյանի գործունեությունը գնահատելու համար՝ նրան անվանելով դավաճան, կապիտուլյանտ։ Արդյոք սա նշանակում է, որ Հայաստանը բռնել է ավտորիտարիզմի ուղին»։
Caliber.Az-ի փոխանցմամբ՝ այս մասին գրում է «Հրապարակ» թերթը։
«Միքայելյանը կարծում է, որ Փաշինյանը ողջ ուժով փորձում է հասնել ավտորիտար կառավարման, և չնայած այն հանգամանքին, որ լրատվամիջոցները, դատարանները, խորհրդարանը և այլն և այլն գտնվում են կամ գտնվում են էական ճնշման տակ, ամեն դեպքում ավտորիտարիզմի կոնսալիդացման ռեսուրսներ Հայաստանում առայժմ չկան։
Փաշինյանը դեռ փորձում է արտաքին աջակցությունն օգտագործել որպես ռեսուրս, բայց դա բավարար չէ, ֆինանսական ռեսուրս չէ, և արտաքին աջակցությունը շատ պայմանական է։ Այսպիսով, ստեղծվել է այս կիսաավտորիտար վիճակը, որը բավականին լայն հասկացություն է, այսինքն՝ կիսաավտորիտարը շատ երանգներ կարող է ունենալ։ Օրինակ՝ Ռուսաստանը կարող եք ավտորիտար համարել, հավանաբար սկսած 2021-ից կամ 2020-ից, մինչ այդ Ռուսաստանը նույնպես կիսավտորիտար ռեժիմ էր, բայց հիմա այնտեղ ավտորիտարիզմն ամրապնդվել է։ Եվ այս կոնսոլիդացիան տևեց 20 տարի։ Հիմա Հայաստանում ընթանում է կոնսոլիդացիայի այդ նույն գործընթացը, կա կիսաժողովրդավարության կամ նույնիսկ կիսակոնսոլիդացված ժողովրդավարության փորձ, որը մասամբ ձևավորվել է ավելի վաղ, և իշխանությունը բաժանվել է թիմերի միջև։ Հայաստանը դեռ երկար ճանապարհ ունի անցնելու, որպեսզի համարվի կոնսոլիդացված ավտորիտարիզմ, սակայն նա շարժվում է այդ ուղղությամբ»,- ասվում է հոդվածում։