Քաղաքագետ Ստեփանյան. Հայաստանի դուրս գալը ՀԱՊԿ-ից ժամանակի հարց է

«Հայաստանի համար ՀԱՊԿ-ից դուրս գալը միայն ժամանակի հարց է, քանի որ իրականում Հայաստանն այլևս ՀԱՊԿ-ում չէ։ Բացի այդ, Հայաստանը ՀԱՊԿ-ում մշտական ներկայացուցիչ անգամ չունի, և որքան հասկանում եմ՝ չենք ունենալու»։

Այս մասին, ինչպես հաղորդում է Caliber.Az-ը, նոյեմբերի 9-10-ը Բրյուսելում կայացած «Հայաստանի ռազմավարական ապագան» թեմայով համաժողովում իր ելույթում ասել է քաղաքական մեկնաբան Դավիթ Ստեփանյանը։

«Ես ստիպված կլինեմ նորից կրկնել իմ վաղեմի թեզը, որ ՀԱՊԿ-ն ի սկզբանե մեռած կառույց է եղել:

Ի ուրախություն ինձ, ես տեսնում եմ, որ մեր իշխանությունները կարծես թե ՀԱՊԿ-ից դուրս գալու քաղաքական գիծ են բռնել, և հուսով եմ, որ մեր անդամակցությունն այդ կազմակերպությանը շուտով ընդմիշտ կվերանա»,- ասել է քաղաքագետը։