Քելբաջարի զինվորական դատախազությունը տեղեկություն է տարածել ականի պայթյունի հետ կապված

Քելբաջարի շրջանի զինդատախազությունը տեղեկություն է տարածել շրջանի տարածքում ականի պայթյունի հետ կապված։

Ինչպես հայտնում է Caliber.Az-ը՝ վկայակոչելով դատախազությանը, հուլիսի 26-ին տեղեկություն է ստացվել, որ Քելբաջարի շրջանի ազատագրված տարածքում ականի վրա պայթել է ՊՆ թիվ N զորամասի հրամանատար Վուգար Իսբենդիյարովը։

«Զինվորական դատախազության աշխատակիցների կողմից դեպքի վայրի զննություն է իրականացվել, նշանակվել է դատաբժշկական փորձաքննություն, կատարվել են դատավարական այլ գործողություններ։ Նախաքննության ընթացքում պարզվել է, որ Վուգար Իսբենդիյարովը Քելբաջարի շրջանի Ջամիլլի գյուղում իր ծառայողական պարտականությունները կատարելիս ծանր մարմնական վնասվածքներ է ստացել հակահետևակային ականի պայթյունի հետևանքով։ Փաստի առթիվ Քելբաջարի շրջանի զինվորական դատախազությունում հարուցվել է քրեական գործ՝ ԱՀ ՔՕ 120.2.12 հոդվածի (դիտավորյալ սպանություն, սպանության փորձ՝ ազգային, ռասայական, կրոնական ատելության հողի վրա) հատկանիշներով։ Նախաքննությունը շարունակվում է»,- ասված է նախարարության հաղորդագրության մեջ։