Քննարկվել են ադրբեջանա-իրաքյան հարաբերությունների զարգացման հեռանկարները

Իրաքում Ադրբեջանի դեսպան Նասիր Մամեդովը հանդիպել է այդ երկրի վարչապետ Մուհամմեդ Շիա ալ-Սուդանիի հետ:

AZERTAC-ի փոխանցմամբ՝ հանդիպմանը Իրաքի վարչապետը խնդրել է իր ողջույնը փոխանցել Ադրբեջանի նախագահ Իլհամ Ալիևին և բարեկամ ադրբեջանական ժողովրդին մաղթել հետագա զարգացում և բարգավաճում։

Նա նշել է առկա ներուժի օգտագործման կարևորությունը երկկողմ հարաբերությունների ամրապնդման և էներգետիկայի, տնտեսության, ներդրումների, զբոսաշրջության, կրթության և ենթակառուցվածքների ոլորտներում համագործակցության ընդլայնման համար։

Մուհամմեդ ալ-Սուդանին ընդգծել է, որ վերջին երկու տարիների ընթացքում երկու երկրների հարաբերությունները վերընթաց են զարգանում։ Նրա խոսքով, անցյալ տարվա նոյեմբերի 20-21-ին Իրաքի նախագահ Աբդել Լաթիֆ Ջամալ Ռաշիդի պաշտոնական այցը Ադրբեջան նոր էջ բացեց երկկողմ հարաբերությունների պատմության մեջ, իսկ բարձր մակարդակով փոխայցելությունները լրացուցիչ խթան հաղորդեցին հարաբերությունների զարգացմանը։