Ֆերգուս Օլդ. «Ադրբեջանն իր ավանդն է ներդրում աշխարհի ամենամեծ խնդրի՝ կլիմայի փոփոխության դեմ պայքարում»

Մեծ Բրիտանիայի դեսպան Ֆերգուս Օլդը շնորհավորել է Ադրբեջանին Մայիսի 28-ի՝ Անկախության օրվա առթիվ։
 
Caliber.Az-ի փոխանցմամբ՝ դիվանագետը համապատասխան հրապարակումը տեղադրել է X սոցիալական ցանցում։
 
«Այսօր մենք ադրբեջանական ժողովրդի հետ միասին նշում ենք Ադրբեջանի Անկախության օրը։ Մեկ անգամ  բարձրացված  դրոշը երբեք չի ընկնի»,- հայտարարել է դիվանագետը:
 
Ֆ.Օլդը նշել է, որ Մեծ Բրիտանիայի դեսպանատունը ուրախ է այս օրը նշել ադրբեջանական ժողովրդի հետ. «...Ադրբեջանը, որպես ինքնիշխան պետություն, իր ավանդն է ներդրում  տարածաշրջանային անվտանգության և աշխարհի ամենամեծ խնդրի՝ կլիմայի փոփոխության դեմ պայքարում»,-հայտարարել է դեսպանը։

We in the British Embassy are happy to celebrate Independence Day together with the people of Azerbaijan.

Happy Independence Day! https://t.co/US0TSs8SAh

— UK in Azerbaijan (@ukinazerbaijan) May 28, 2024