Ադրբեջանական բանակի ուսումնավարժական կենտրոնում տեղի է ունեցել հանդիպում թուրքական պատվիրակության հետ ԼՈՒՍԱՆԿԱՐ

Ադրբեջանական բանակի ուսումնավարջական կենտրոնում տեղի է ունեցել հանդիպում՝ Թուրքիայի ազգային պաշտպանության նախարարության մամուլի և հասարակայնության հետ կապերի դեպարտամենտի պատվիրակության հետ։

Ինչպես Caliber.Az-ին հայտնել են ՊՆ-ից, Ադրբեջանի ՊՆ մամուլի ծառայության ղեկավար, գնդապետ Անար Էյվազովը մանրամասն զեկույց է ներկայացրել՝ պաշտպանության նախարար Զաքիր Հասանովի կողմից հաստատված նախարարության՝ հաղորդակցության ռազմավարության վերաբերյալ։ Նա պատմել է նաև՝ 44-օրյա Հայրենական պատերազմի և դրան հաջորդած ռազմական գործողությունների ընթացքում տեղեկատվական ոլորտում ձեռք բերված հաջողությունների, ապատեղեկատվության դեմ պայքարի միջոցառումների մասին։

Այնուհետև թուրքական պատվիրակությունն ճեպազրույց է ներկայացրել՝ Թուրքիայի զինված ուժերում հաղորդակցության ոլորտում կատարված աշխատանքների վերաբերյալ։ Հանդիպմանը մտքերի փոխանակում է անցկացվել՝ երկու երկրների բանակներում ռազմավարական հաղորդակցության կազմակերպման, ԶԼՄ-ների հետ աշխատանքի վերաբերյալ, քննարկվել են՝ ռազմական տեղեկատվության ոլորտում համագործակցության զարգացման հեռանկարները։