Ադրբեջանը կրճատում է ցորենի ներմուծումը

2024 թվականի հունվար-հուլիսին Ադրբեջանը ներմուծել է 460 հազար 645,49 տոննա ցորեն, ինչը 20,3 տոկոսով պակաս է նախորդ տարվա նույն ժամանակահատվածի համեմատ։

Ինչպես տեղեկացնում է Caliber.Az-ը, այս մասին հայտնում է Մաքսային պետական կոմիտեն։

Միաժամանակ, արժեքային արտահայտությամբ ներմուծման ծավալը նվազել է 37,7%-ով՝ կազմելով 102 մլն 620,65 հազար ԱՄՆ դոլար։

Ցորենի ներմուծման բաժինը հաշվետու ժամանակահատվածում կազմել է Ադրբեջանի ներմուծման ընդհանուր ծախսերի 0,95%-ը (2023թ. հունվար-հուլիսին՝ 1,72%)։

2023 թվականի արդյունքներով, ներկրված ցորենի ընդհանուր ծավալը կազմել է 1 մլն 175 հազար 341,03 տոննա (անկումը՝ 9,1 տոկոս 2022 թվականի ցուցանիշից)։