Ադրբեջանը և ՀԲ-ն քննարկել են կանաչ տնտեսությանն անցնելու նախաձեռնությունները

Ադրբեջանը և Համաշխարհային բանկը քննարկել են կանաչ տնտեսությանն անցնելու նախաձեռնությունները։

Caliber.Az-ի փոխանցմամբ՝ այս մասին X սոցիալական ցանցում գրել է Ադրբեջանի էկոնոմիկայի նախարար Միքայիլ Ջաբբարովը։

Նշվում է, որ հանդիպում է տեղի ունեցել Համաշխարհային Բանկի Եվրոպայում և Կենտրոնական Ասիայում կայուն զարգացման գծով տարածաշրջանային տնօրեն Սամեհ Նագուիբ Վահբայի հետ։

«Հանդիպման ընթացքում մենք դիտարկեցինք Ադրբեջանի և Համաշխարհային բանկի միջև համագործակցության օրակարգի մի քանի հիմնական հարցեր, ներառյալ՝ կանաչ տնտեսությանն անցնելու համատեղ նախաձեռնությունները, Երկրի գործընկերության շրջանակային ծրագիրը և COP29-ի շրջանակներում գործընկերության հնարավորությունները»,- ասվում է հրապարակման մեջ։